Profesor i Marrëdhënieve Ndërkombëtare në Universitetin Westminster, Aidan Hehir, shprehet pesimist për rezultate nga dialogu Kosovë – Serbi me udhëheqësin e re të administratës së presidentit amerikan, Donald Trump.
Hehir thotë se rëndësi me të madhe ka Ukraina, që sipas tij, për këtë administrata Trump qëllimshëm po krijon gardh mes ShBA-së dhe Evropës.
“Besoj se ka më shumë gjasë të ketë ngecje për një kohë. Sigurisht më e rëndësishmja është Ukraina, dhe administrate Trump duket se qëllimshëm po bën një gardh ndërmjet ShBA-së dhe Evropës sa i përket Ukrainës. Dhe kjo e ka shtyrë Evropën në një histeri se çfarë do të bëjmë tash?”, deklaroi ai në emisionin “Këndi i Debatit” në Tëvë1.
Profesori Hehir nuk pret zhvillim drejt dialogut, derisa marrëdhëniet mes Evropës dhe ShBA-së të stabilizohen.
“Gjasat që BE-ja të vë prioritet marrëveshjen mes Kosovës dhe Serbisë të zgjatur shumë, me shumë pak rezultate në mes të krejt kësaj krize në Ukrainë, mendoj se janë shumë të largëta, prandaj nuk pres shumë zhvillim, deri kur marrëdhëniet mes Evropës dhe ShBA-së të stabilizohen, që mbase do të vonojnë 6 ose 12 muaj, por sigurisht nuk dihet kurrë”, shtoi ai./teve1.info/
