Nënkryetari i Lidhjes Demokratike të Kosovës Lutfi Haziri, ka thënë se vendi ka nevojë për një marrëveshje mes partive politike për tejkalimin e krizës.
Haziri ka thënë se nga propozimi i tyre për Qeveri Uniteti do të përfitonte më së shumti Vetëvendosjes.
“Ka nevojë që njerëzit të ulën në tavolinë të ndërtohet një mekanizëm i dialogut, të ndërtohet një ekip i përbashkët pa qëllime tjera. Këtu më së shumti fiton Vetëvendosje si parti e parë këtu, sepse dalim nga një situatë e krizës politike dhe hyjmë në një agjendë e cila së paku deri në mars mund ta shtjerrë krejt atë nevojën që në tavolinë t’i shtjerrim disa probleme”,ka thënë ai para fillimit të seancës konstituive.
I pyetur për kontaktet nga LVV për një bashkëpunim me Vetëvendosjen, ai ka thënë se këto janë legjitime, por që duhet të bëhen publike.
“Unë i quaj legjitime tendencat e partisë së parë me i taku deputetët, por duhet t’i zbardh takimet, por është çështje e tyre se si komunikojmë. Duhet me i bindë deputetët për qëllim politik e jo për përdorim, kjo është e keqja”, ka thënë Haziri./teve1.info/
