Deputeti i Lidhjes Demokratike të Kosovës, Lutfi Haziri, para nisjes së seancës konstituive të Kuvendit, deklaroi se pret që sot të konstituohet Kuvendi sipas rezultatit zgjedhor, ndërsa konfirmoi se ende nuk është arritur marrëveshje me partinë e parë për bashkëpunim.
Haziri tha se mësimi më i madh nga zgjedhjet është që të mos përsëritet mungesa e bashkëpunimit dhe e marrëveshjeve politike.
“Mësimi më i madh që duhet ta nxjerrim të gjithë është që 9 shkurti dhe 28 dhjetori të mos përsëriten, në kuptimin e mosarritjes së bashkëpunimit, mosarritjes së marrëveshjeve dhe moszbatimit të vullnetit qytetar të shprehur në zgjedhje. Jemi duke biseduar për të ndërtuar një marrëveshje funksionale në interes të agjendës së Republikës. Ende jemi në nivelin e diskutimeve lidhur me parimet e një bashkëpunimi që do të jetë i qëndrueshëm dhe do t’i japë vendit stabilitet”, tha Haziri.
