Nënkryetari i Lidhjes Demokratike të Kosovës, Lutfi Haziri, ka deklaruar se kjo parti u përket idealistëve dhe se anëtarësia është ajo që përfaqëson bazën e saj.
Përmes një postimi në Facebook, Haziri ka thënë se, sipas tij, historia politike në Kosovë ka treguar se LDK-ja është parti e idealistëve, Partia Demokratike e Kosovës (PDK) parti e kryengritësve, ndërsa Lëvizja Vetëvendosje parti e të pakënaqurve.
“LDK ju takon idealistëve. Idealistët janë anëtarësia! Në Kosovë, historia na ka mësuar që LDK është parti e idealistëve, PDK është parti e kryengritësve dhe VV është parti e të pakënaqurve”, ka shkruar Haziri.
Ai ka theksuar se LDK-ja nuk duhet t’u përkasë vetëm funksionarëve, por anëtarëve të saj.
“LDK ju takon idealistëve e idealistët e saj janë anëtarësia. Jo funksionarët. Koha t’i kthehemi idealistëve!”, ka përfunduar Haziri.
