Nënkryetari i LDK-së, Lutfi Haziri ka thënë se Kosova do të dilte ‘e lënduar’ prej procesit të dialogut nëse krijohet Asociacioni pa njohje nga Serbia.
Sipas ish-kryetarit të komunës së Gjilanit, çështja e Asociacionit ka qenë pjesë edhe e bisedimeve në Vjenë porse LDK-ja me pragmatizëm politik kishte arritur ta heqë prej tavolinës.
Haziri ka shkruar se tashmë pyetja ‘A po kalon Zajednica’ është evidente për shkak se “në krye të Qeverisë është politikani më jokonsistent që e ka pasur Kosova”.
“Do ta këtë nesër ditën për të dëshmuar se cili Kurti do të jetë në funksion – Kurti opozitar, kryeministër e kundërshtues apo Kurti pranues e ndarës de jure i një pjesë të Kosovës”, ka shkruar Haziri.
