Deputeti i Lidhjes Demokratike të Kosovës, Lutfi Haziri i ka kërkuar Lëvizjes Vetëvendosje që t’i jap mundësi Kuvendit të konstituohet.
Pas dështimit të seancës konstituive, Haziri është shprehur se kjo mund të arrihet me një marrëveshje politike mes partive e jo me procedura.
Ai ka shtuar se kabineti qeveritar ditëve të fundit më shumë po shihet në zyrat e Prokurorisë sesa në zyrat e Qeverisë.
“Ne edhe sot kërkojmë që partia e parë ta menaxhoj detyrën e saj që del nga 9 shkurti ajo është që të jap mundësi që Kuvendi i Kosovës të konstituohet sipas një marrëveshje eventuale që arrihet dhe të hyjë në fazën e ndërtimit dhe legjitimimit të Kuvendit. Në emër të Grupit Parlamentar të LDK-së konfirmojmë se në takimin e 34-të u konfirmua se çështja politike dhe zgjedhjet e organeve deri në konstitutim s’mund të zgjidhen me procedura, por duhet me marrëveshje. Edhe deputetë e edhe ministër s’mund të funksionojë qeveria në detyrë. Po e shohim që ditëve të fundit më shumë kalojnë kabineti qeveritar në zyrat e Prokurorisë sesa në zyrat e Qeverisë”, ka thënë Haziri.
