Kryetari i Këshillit të fshatit Bellanicë ka thënë se Policia e kanë njoftuar se do të intervistohet pas “përplasjes” që pati me deputeten Fitore Pacolli në emisionin “Mesditë” në Tëvë1.
I njëjti ka telefonuar televizionin disa minuta para se Policia t’i arrinte në shtëpi.
“ Më njoftuan se janë duke ardhur. Fitore Pacolli ka kërku nga Policia me më ndalu. Tash se çka do bëhet nuk e di” ka thënë shkurt Hoxha.
Kujtojmë se Hoxha ditë më parë ka protestuar para Kuvendit të Kosovës duke e quajtur Fitore Pacollin “hajne me dokumenta”, pasi sipas tij, ajo u ka premtuar banorëve të Bellanices që do t’ua zgjidhë çështjen e pronave, problem që ky fshat e ka tash e sa kohë.
