Sipas Haxhiut, një vendim i tillë është papërgjegjësi totale e Qeverisë.
“Ajo e derivateve ishte një huqje totale e Qeverisë. Pas një huqje të parë, tash do të vazhdojnë me huqje të tjera. Pas një viti e më shumë të krizës, fillimisht energjetike, e pastaj edhe krizës ekonomike, me dalë me një propozim të tillë përveç që është joprofesionale, është papërgjegjësi totale e Qeverisë. Dhe thjesht është edhe humbje e kohës me atë konferencë për media, ku nuk shpaloset asgjë”, tha ai në “Ditari” në Tëvë 1.
Tutje, ai theksoi se Qeveria do duhej të ndikonte në uljen e TVSH-së dhe të akcizës.
“Qeveria mendon të prek tek bizneset, por jo edhe tek ajo çka do duhej të ishte rregullatore. Të ndikonte në uljen e TVSH-së dhe uljen akcizës për disa prej produkteve, në këtë edhe rast edhe të derivateve të naftës, ku do të ndikonte dukshëm në uljen e çmimeve”, shtoi ai.
Në një konferencë për media sot, ministrja e Industrisë, Ndërmarrësisë dhe Tregtisë, Rozeta Hajdari, ka thënë se shumë shpejtë do të dalin me një vendim ligjor sa i përket çmimit për disa produkte esenciale. /Teve1.info/