Nënkryetarja e Kuvendit të Kosovës, Albulena Haxhiu, ka paralajmëruar se seanca e sotme mund të jetë e fundit për zgjedhjen e nënkryetarit nga komuniteti serb.
Nëse asnjë kandidat, përfshirë Nenad Rashiqin që mbështetet nga Vetëvendosja, nuk merr votat e nevojshme, Kuvendi nuk do të mblidhet përsëri pas 48 orësh.
Haxhiu theksoi rëndësinë e konstituimit të Kuvendit për të shmangur zgjedhjet e parakohshme, të cilat nuk janë në interes të partive që ajo përfaqëson.
Ajo gjithashtu bëri thirrje për mbështetje nga Aleanca dhe Nisma, në rast se PDK e LDK nuk votojnë kandidatin e propozuar.
“Sot mund të jetë seanca e fundit, për shkak se në qoftë se sot të gjithë hedhen në short dhe s’ka tjetër që pret, atëherë nuk ka arsye që të mblidhemi pas 48 orëve. Është e rëndësishme që ta konstituojmë Kuvendin, sepse kjo situatë con në zgjedhje. Ne nuk jemi të interesuar të shkojmë në zgjedhje.
Ka qenë e papranueshme të shoh që disa ngrisnin dorën lartë e më lartë për mua, e për Listën Serbe abstenojnë”, deklaroi Haxhiu./teve1.info/
