Këtë deklaratë Haxhiu e dha në emisionin “Ditari” në Tëvë1 duke komentuar çështjen e kërkesave për rritje të pagave në arsim.
“Problemi është që Kurti del në foltore në Kuvend me shit filozofi, ndërsa populli ka nevojë për vendimmarrje, sepse çmimet janë të shtrenjta për të gjithë dhe askush nuk ka thënë që këto çmime janë të ndara për mësimdhënës sepse edhe ata janë pjesë e shoqërisë tonë”, ka deklaruar ai.
Haxhiu më tej tha se një mësimdhënës nuk mund të jetë i koncentruar në mësimdhënie sepse, sipas tij, ka hallin se si të sigurojë gjërat elementare për fëmijët e tyre.
“Kur flasim për cilësinë e mësimdhënies, si mundet me qenë një mësimdhënës i koncentruar në mësimdhënie, derisa ka hallin se si me i siguru gjërat elementare për fëmijët e tyre”, tha ai. /teve1.info/
