Haxhiu tha se negociimi i institucioneve të drejtësisë në negociata në Bruksel ka qenë e gabuar.
“Qeveria tani po i vuan pasojat e marrëveshjeve të dëmshme që janë bërë në të kaluarën sepse siç jeni në dijeni, marrëveshjet në drejtësi i kanë detyruar institucionet t’i negociojnë në Bruksel. Ajo ka qenë e gabuar sepse institucionet e pavarura nuk mund të marrin pjesë në bisedime politike. Prandaj edhe me Listën Serbe në Kuvendin e Kosovës që dirigjohet komplet nga Vuçiqi edhe me gjyqtarë dhe prokurorë që i kanë servuar me lista për të qenë në sistemin e drejtësisë, pra në si institucione po i vuajmë pasojat e qeverive të cilat i kanë bërë më herët”, tha Haxhiu.
Megjithatë, sipas Haxhiut, për herë të parë Kosova ka një pozicion të mirë dhe të fuqishëm në këtë drejtim.
“Dhe për herë të parë Kosova ka një pozicion të fuqishëm në këtë drejtim, për herë të parë pozicioni i Kosovës në negociata me Serbinë është i dinjitetshëm sepse siq e dini Qeveria e Kosovës nuk i ka lejuar zgjedhjet serbe në Kosovë dhe referendumin dhe tani jemi duke i zbatuar masat sepse është cenim dhe po ashtu tani jemi duke vendosur masa të reciprocitetit që i bënë secili vend normal”, tha ajo.
Haxhiu i bëri thirrje të gjithë qytetarët që kërcënohen që t’i adresohen institucioneve të sigurisë, Policisë dhe Prokurorisë derisa tha se institucionet e vendit po funksionojnë normalisht pavarësisht dorëheqjeve që sipas Haxhiut, dirigjohen nga Beogradi.