Haxhiu përmes një postimi në Facebook, ka thënë se prilli i vitit 1999 është dëshmi e gjenocidit serb të kryer ndaj shqiptarëve.
“Prilli i vitit 1999 është dëshmi e gjenocidit serb të kryer ndaj shqiptarëve, dëshmi e torturës, vrasjes dhe zhdukjes me forcë të më shumë se 1500 civilëve të pafajshëm, në mesin e të cilëve ishin edhe fëmijë, gra e pleq. Sot dhe përgjithmonë kujtojmë të gjithë ata të cilët ishin viktimë e masakrave të kryera në të gjithë territorin e Kosovës nga forcat serbe 23 vite më parë”, ka shkruar ajo.
Ajo thotë se mbeten të përkushtuar drejt vënies së drejtësisë për mizoritë dhe padrejtësisë e shkaktuara nga Serbia ndaj popullit të Kosovës.
“Ne mbetemi të përkushtuar drejt vënies së drejtësisë për mizoritë dhe padrejtësitë e shkaktuara nga pushteti serb ndaj popullit tonë. Lavdi të gjithë dëshmorëve dhe martirëve të cilat ranë për liri”, tha Haxhiu. /teve1.info/
