Albulena Haxhiu, ushtruesja e detyrës së presidentes, njoftoi se sot në Ditën e Pavarësisë së Shteteve të Bashkuara të Amerikës, qëndroi në Kampin “Bondsteel”, së bashku me pjesëtarët e Grupit për Mbështetje në Ballkan, për “ta ndarë me ta këtë ditë të veçantë dhe festive”.
“Katër korriku na kthen te një nga parimet më fisnike të demokracisë, te vullneti i popullit si burim i lirisë dhe i pushtetit. Për ne në Kosovë, kjo datë është e pandashme nga miqësia me Shtetet e Bashkuara, të cilat na janë gjendur pranë në çastet më të rënda dhe më përcaktuese të historisë sonë”, ka shkurar Albulena Haxhiu në një postim në rrjetin social “Facebook”.
Haxhiu tha se u përcolli “urime të përzemërta” ushtarëve dhe qytetarëve amerikanë.
“Ushtarëve dhe qytetarëve amerikanë ua përcolla urimet më të përzemërta për 250-vjetorin e Pavarësisë, bashkë me mirënjohjen për aleancën që na ka bashkuar në të kaluarën dhe vazhdon të na prijë drejt së ardhmes. Gëzuar 4 korrikun!”, shkroi Haxhiu.
