Haxhiu ka thënë se mizore mbetet papërgjegjësia e autoriteteve Serbe që qëllimshëm po pengon zbardhjen e fatit të të zhdukurve.
“Ne, sot kujtojmë 1617 persona të zhdukur dhunshëm nga policia dhe ushtria serbe. Na ndajnë 23 vite nga përfundimi i luftës, nga koha kur nga ne u morën dhunshëm civilë, të pafajshëm. Ne jemi dëshmitarë të krimeve mizore që Serbia ka shkaktuar ndaj qytetarëve tanë, dhe po aq mizore mbetet papërgjegjësia e autoriteteve të Serbisë që qëllimshëm pengon zbardhjen e fatit të tyre”, ka shkruar ajo në një postim në Facebook.
Ajo thotë t’i kujtojmë të zhdukurit, martirët dhe dëshmorët që ranë në përpjekjen për liri duke u angazhuar që drejtësia për kosovën dhe qytetarët e saj të vijë në vend.
“Asnjë përgjegjësi, asnjëherë, për asnjë dëm. Le t’i kujtojmë përherë të zhdukurit, martirët, dëshmorët që ranë në përpjekjen tonë për liri. Le t’i kujtojmë duke u angazhuar që drejtësia për Kosovën dhe qytetarët e saj të vije në vend”, ka thënë Haxhiu. /teve1.info/
