Gjatë diskutimit të tij në Kuvend, Haxhiu tha se kësi dëmi me planifikimin buxhetit nuk i është bërë Kosovës as në kohën e okupimit.
Sipas tij, tash kur kërkon rritje të pagës edhe opozita e FMN-ja, një gjë të tillë nuk e bënë vetëm qeveria.
“Prezenca e deputetëve dhe qeverisë në sallë kur po diskutohet buxheti i shtetit është dëshpëruese. Në të kaluarën janë realizuar projekte infrastrukturore më të mira në rajon, rritje e pagave e asistencë për kategoritë e luftës. Për herë të parë ndodh që buxheti të arrij në 321 miliardë dhe varfëira të jetë në shkallën më të lartë të pasluftës sepse inflacioni është i larët dhe qeveria nuk e ka idenë se si me ndalu inflacionin.
Me çka po mburreni, me shifrat e varfërisë?
Për herë të parë qeveria mburret me shifra të varfërisë, me shifra të asistencës sociale, edhe studentët i kthen në lëmoshëtarë, në vend se ti mbështeste me projekte, me studime”, tha ai.
Haxhiu shtoi se me këtë projektbuxhet janë paraparë zero shpenzime në veri të Kosovës.
Haxhiu pyeti nëse Qeveria e Kosovës ka hequr dorë nga veriu.
Ndërsa e ka adresuar edhe numrin sipas tij të lartë të anëtarëve në kabinetin e kryeministrit.
“Kush janë këta njerëz 109 veta në kabinetin e kryeministrit dhe çfarë bëjnë aty. A po përdoren për të shantazhuar sindikatat, apo për t’i plotësuar nevojat në rrjete sociale. Çfarë bëjnë këta njerëz apo janë njerëz që përdoren për të shantazhuar të tjerët në rrjete sociale?”, tha Haxhiu.
