Kandidatja për kryetare të Kuvendit të Kosovës, Albulena Haxhiu pas dështimit të 26-të të konstituimit të Kuvendit ka deklaruar se qëllimi i opozitës është që të pamundësohet Qeveria Kurti3.
Sipas saj, opozita nuk dëshiron t`i pranojë rezultatet e zgjedhjeve të 9 shkurtit.
“Është jashtëzakonisht e rëndësishme që të gjithë deputetët e Kuvendit të marrin pjesë në votim dhe jo të vijnë të mos veprojnë asgjë. Ne e kemi thënë në vazhdimësi që qëllimi është që të pamundësohet qeveria Kurti3 dhe krahas kësaj këta nuk kanë mundur të deklarohen hapur që janë kundër qeverisë Kurti3, por kanë përdorë format e tjera të ndryshme edhe sulme, për mua nuk është vetja ime çështja individuale, për mua dhe për LVV është e rëndësishme të konstituohet Kuvendi i Kosovës, në mënyrë t`i hapim rrugë qeverisë Kurti3. Duke pasur parasysh që mungon vullneti i opozitës, duket ndonjëherë që nuk i pranojnë rezultatet e zgjedhjeve”, ka deklaruar Haxhiu./teve1.info/
