Në njoftimin e MD-së, thuhet se fryma bashkëpunuese ndërmjet institucioneve të Shqipërisë dhe Kosovës, shoqëruar me projekte të përbashkëta, shkëmbim të ideve dhe përvojave, po përcillet me entuziazëm edhe më të madh të veprimeve të përbashkëta, edhe në institucionet e drejtësisë.
“Krijimi i një bazamenti të ri në shoqëri, ku drejtësia qëndron si institucion që shërben edhe si ngritje dhe zhvillim i mentalitetit shoqëror kundrejt fenomeneve negative, dhe ku rendi dhe ligji zbatohen në plotësi, është rruga në të cilën pashmangshëm duhet të lëvizim, si nevojë e domosdoshme për të gjithë qytetarët, u tha ndër të tjera në këtë takim”, thuhet në njoftim.
Po ashtu, në këtë takim, të dy palët theksuan se institucionet e të dy vendeve janë në stadin më të mirë të bashkëpunimit të deri tashëm dhe njëherit shfaqën përkushtimin që bashkëveprimet të përcillen me rezultate konkrete që progresojnë drejt standardeve më të avancuara të institucioneve në të dy Republikat respektive, dhe se një gjë e tillë përveç se e dëshirueshme tashmë do të jetë edhe e mundur. /Teve1.info/
