E propozuar nga LVV-ja për kryetare të Kuvendit, Albulena Haxhiu ka thënë se është e rëndësishme që të konstituohet Kuvendi.
Ajo ka thënë se betejat për këtë nuk janë të drejta.
“Është e tepër e rëndësishme ta konstituojmë Kuvendin. Nuk bëhet beteja për konstituimin e Kuvendit. Mund të bëjmë beteja për qeverinë për çështjen që i preokupojnë qytetarët e Kosovës, por beteja për Kuvendit nuk është strategjikisht në rregull.. e padrejtë dhe e papranueshme”, tha Haxhiu në një deklarim për media para seancës konstituive.
Sa i përket bashkëpunimit me Nismën ajo ka thënë se po presin përgjigje nga ta dhe shpresojnë të jetë pozitive.
“Ka pas në vazhdimësi takime. Kryeministri Kurti e ka dorëzuar ofertën të Nisma, ende nuk kemi përgjigje, por presim të kemi përgjigje pozitive që të na bashkohen në qeverisje”, tha Haxhiu./teve1.info/
