Deputeti nga radhët e Partisë Demokratike të Kosovës, Bekim Haxhiu, ka thënë se po bëhen dy muaj prej se Trusti është pa bord dhe Qeveria duhet të reflektojë.
Ai tha se më këtë sjellje, Qeveria është duke rrezikuar seriozisht mjetet e Trustit, shkruan teve1.info
“Po bëhen gati dy muaj që Trusti është pa bord, dy muaj pa menaxhim të kursimeve pensionale. Kjo mazhorancë e papërgjegjshme që në dy raste e rrëzojë projektligjin për Trustin sillet më shumë papërgjegjësi, padituri duke rrezikuar seriozisht mjetet e Trustit. Duke parë që në vitin e kaluar humbjet në Trusti ishin 118 milionë euro, këtë vit po vazhdojnë të thellohen edhe më shumë në mungesë vendimmarrje në Bordin e Trustit”.
Haxhiu më tej, tha se Qeveria e ka obligim të risjellë në Kuvend projektligjin për Trustin dhe t’i mundësojë qytetarëve që të tërheqin një pjesë të kursimeve.
“Sjellja e Qeverisë në raporton me Trustin dhe kontribuuesit është e papërgjegjshme. Të paktën duhet të kishte një reflektim, duke ju mundësuar qytetarëve që të tërheqin një pjesë të tyre në këtë kohë krize. Tash që Bordi i Trustit nuk është funksion është obligim i Qeverisë që ta risjellë në Kuvend që qytetarët të tërheqin të paktën disa nga ato mjete”.
