Ushtruesja e detyrës së presidentes, Albulena Haxhiu ka thënë se Kosova është përcaktuar drejt Bashkimin Evropian dhe se përmbushja e përgjegjësive drejt anëtarësimit duhet të gjykohet me standardet e njëjta sikurse për vendet tjera.
Ajo kështu është shprehur në shënimin e fillimit të Presidencës së Irlandës të Këshillit të Bashkimit Evropian, duke shtuar se Irlanda mund të ndihmojë që zgjerimi të mbetet proces i besueshëm
“Kosova e ka përcaktuar qartë drejtimin e saj evropian, ka përmbushur përgjegjësitë e veta dhe meriton të gjykohet me të njëjtat standarde si vendet e tjera. Presidenca irlandeze mund të ndihmojë që zgjerimi të mbetet proces i besueshëm dhe që Kosova të mos mbetet peng i bllokadave politike që nuk varen nga përparimi i saj”, ka shkruar Haxhiu në Facebook.
Kosova ka dorëzuar aplikimin për anëtarësim në BE në vitin 2022, por që ky aplikim ende nuk është shqyrtuar./teve1.info/
