Ushtruesja e presidentja e Kosovës, Albulena Haxhiu, ka përkujtuar 16-vjetorin e opinionit këshillëdhënës të Gjykatës Ndërkombëtare të Drejtësisë (GJND), i cili, sipas saj, konfirmoi se Deklarata e Pavarësisë së Kosovës nuk ishte në kundërshtim me të drejtën ndërkombëtare.
Në një reagim të publikuar me këtë rast, Haxhiu ka theksuar se më 22 korrik 2010, Gjykata Ndërkombëtare e Drejtësisë në Hagë hodhi poshtë pretendimet se shpallja e pavarësisë së Kosovës kishte shkelur normat e së drejtës ndërkombëtare.
Sipas saj, ky opinion ishte një moment me rëndësi të veçantë juridike dhe diplomatike për Kosovën, duke forcuar pozitën e saj ndërkombëtare dhe duke shërbyer si bazë për njohjet që pasuan nga shtete të ndryshme.
“Edhe pas 16 vitesh, opinioni i 22 korrikut 2010 mbetet një nga gurthemelet e legjitimitetit ndërkombëtar të shtetësisë së Kosovës dhe një referencë e rëndësishme në afirmimin e subjektivitetit të saj në arenën ndërkombëtare”, ka deklaruar Haxhiu.
Opinioni këshillëdhënës i GJND-së erdhi pas kërkesës së Serbisë në Asamblenë e Përgjithshme të Kombeve të Bashkuara për një vlerësim mbi ligjshmërinë e shpalljes së pavarësisë së Kosovës, të shpallur më 17 shkurt 2008.
