Ministrja e Drejtësisë, Albulena Haxhiu, është shprehur e tronditur për vrasjen e gruas që ndodhi sot në Qendrën për Punë Sociale në Ferizaj.
Ajo tha se janë në komunikim me institucionet e përgjegjëse që të kuptojnë të gjitha rrethanat se si ndodhi edhe plagosje e të miturit.
“Pavarësisht përpjekjes sonë të përditshme, angazhimit tonë të vazhdueshëm, gratë ende nuk janë të sigurta. Raste si këto na obligojnë që të vazhdojmë punën dhe angazhimin në adresimin e fenomeneve si dhuna me bazë gjinore dhe femicidi”, ka shkruar ajo në Facebook.
Tutje, ajo tha se të gjitha institucionet duhet të jenë të pakompromise në adresimin e këtyre rasteve.
“Në këto momente të vështira jemi me familjen dhe të afërmit e të ndjerës dhe shprehim ngushëllimet më të sinqerta!”, ka shkruar ministrja mes tjerash.
Pasditen e sotme dyshohet se një burrë vrau një grua e la të plagosur një burrë.
Ndërkohë, i dyshuari pasi ka shtënë me armë zjarri është larguar në drejtim të panjohur, i cili më pas është arrestuar./teve11.info/
