Haxhiu përmes një postimi në Facebook, tha se situata e rënduar pas vërshimeve në disa komuna të Kosovës kërkon mobilizim institucional.
“Situata e rënduar pas vërshimeve në disa komuna të Kosovës e në veçanti në Skënderaj, Mitrovicë, Klinë, Istog dhe Podujevë, kërkon mobilizim institucional. Për shkak të qasjes selektive të Qeverisë, Kuvendi i Kosovës duhet të mblidhet sa më parë në seancë të jashtëzakonshme për të miratuar mjetet buxhetore, për kompensim të dëmeve të shkaktuara nga vërshimet”, ka shkruar ai në një postim në Facebook.
Ai thotë se shumë familje e biznese kanë nevoje për mbështetje pa dallim dhe ndasi politike.
“Janë shumë familje dhe shumë biznese që pësuan humbje të mëdha materiale nga kjo fatkeqësi natyrore, prandaj kanë nevojë për mbështetje pa dallim dhe ndasi politike”, tha Haxhiu. /Teve1.info/
