Për këtë ka reaguar ministrja e Drejtësisë, Albulena Haxhiu, e cila tha se për herë të parë Kuvendi votoi një projektligj me peshë të madhe për historinë e Kosovës, shkruan Teve1.info
“Për herë të parë, 23 vite pas përfundimit të luftës, Kuvendi votoi një projektligj me peshë të madhe për historinë e Kosovës atë për themelimin e Institutit që do të dokumentojë krimet e luftës, krimet kundër njerëzimit dhe gjenocidin mbi popullin e Kosovës. Nëse jo për diçka tjetër, përballë krimeve të Serbisë në Kosovë do të duhej të ishim të unifikuar”, ka shkruar ajo në një postim në Facebook.
Haxhiu thotë se një grup opozitar që thirret në emër të luftës nuk e përkrahen projektligjin për Institutin e Krimeve të kryera gjatë luftës.
“Një grup opozitar që thirren në emër të luftës, sot e patën mundësinë të përmirësojnë sadopak gabimet e tyre në të kaluarën. Në vend të rreshtimit në përkrahje të projektligjit nuk e mbështetën atë! Megjithatë, falënderoj deputetët mbështetës dhe zotohemi se do të jemi bashkë në Komisionin për Legjislacion për adresim të propozimeve”, ka thënë ajo. /teve1.info/
