Kryetarja e Kuvendit të Kosovës, Albulena Haxhiu, nuk ka dhënë detaje lidhur me veprimet që do të ndërmerren pas vendimit të Gjykatës Kushtetuese për Kuvendin.
E pyetur nga gazetarët për hapat e ardhshëm pas aktgjykimit të Kushtetueses, Haxhiu tha se për këtë çështje do të flasë nesër, pas mbledhjes së Kryesisë së Kuvendit.
Ajo kërkoi që sot vëmendja të jetë te përkujtimi i heroit Afrim Bunjaku, në trevjetorin e rënies së tij në krye të detyrës.
“Nesër pas mbledhjes së Kryesisë do të kem një paraqitje për mediat. Le ta respektojmë sot heroin Afrim Bunjaku dhe le të flasim për tema të tjera nesër. Ju pres në Kuvendin e Kosovës”, tha Haxhiu.
