Ish- nënkryetarja e Kuvendit, Albulena Haxhiu e cila po qëndron në Vlorë në shënimin e 113 vjetorit të pavarësisë së Shqipërisë, ka thënë se kjo ditë i kujton shekuj qëndrese, flijimi e krenarie.
Ajo thotë se 28 nëntori është datë përbashkuese e shqiptarëve.
“Kjo ditë e shenjtë, që trason historikisht rrugën tonë kombëtare e na kujton shekuj qëndrese, flijimi e krenarie. Nga flamuri i ngritur në Krujë më 1443, tek pavarësia e 1912-së, nga datëlindja e komandantit Adem Jashari e tek dalja publike e UÇK-së, 28 Nëntori është përbashkuesi ynë. Urime e gëzuar kjo festë mbarë shqiptare”, ka shkruar Haxhiu./teve1.info/
