Sipas tij pagesa në bazë të performancës por edhe ndarja e një përqindjeje për ta nga një punë specifike do të ishin ide të mira.
“5 % e fakturës së një shërbimi shëndetësor t’i shkojë ekipës operatore, atij që e ofron këtë shërbim shëndetësor. Nëse një operacion ka kushtu 10 mijë euro, 5 % e asaj t’i shkojë ekipës operatore. Por edhe performanca në punë, pagesa në bazë të performancës. Ne i pagujmë njëjtë si ata që bëjnë më shumë, si ata që bëjnë më pak operacione gjatë një viti”, ka thënë Haxhiu në “Këndin e Debatit” në Tëvë 1.
Haxhiu mendon se Qeveria i ka lëvizur qëllimshëm koeficientët në sektorin e shëndetëisë me qëllim rrëzimin e Ligjit për Paga
“Qasja e Qeverisë në raport me koeficientët në sektorin e shëndetësisë është diskriminuese. Ka pas një lëvizje të koeficienteve të qëllimshëm, mendoj nga Qeveria me qëllim me e rrëzu Ligjin për Paga”.
Tutje ai ka shtuar se ky ligj nuk i zgjidh të gjitha problemet dhe nuk dallon shumë nga Ligji i kaluar për Paga që është rrëzuar nga Kushtetuesja.
“Koeficienti për mjekun specialist ka qenë 8.4 tash është 12. Por koeficienti i profesionistëve tjerë shëndetësorë, në këtë rast infermierëve, nga 6 tash është 5.6”.
“Pse është rrëzu Ligji i Pagave i kaluar? Sepse nuk është vlerësu puna e njëjtë për pagë të njëjtë, pastaj nuk është vlerësu përgatitja shkollore. Dallimi në koeficient mes një infermieri me shkollë të mesmë dhe atij me fakultet në ligjin e kalum ka qenë 0.25, tani është 0.30. Pra, nuk është respektu vendimi i Gjykatës Kushtetuese”.
Haxhiu vlerëson se vlera e koeficientit të ligjit për paga dueht të jetë 132 euro.
Unë e kam propozu vlerën e koeficientit 132 euro sepse kjo është bazu në atë që Qeveria e ka propozu, pra është gjysma e pagës minimale. Përtej kësaj duhet të evitohen diskriminimet mes disa profesioneve. Në ligjin e pagave infermierët, fizioterapeutët, psikologët klinikë e logopedët i kryejnë studimet themelore me të njëjtat kredi, por koeficientët i kanë të ndryshëm”, ka vazhduar Haxhiu.
