“Mos miratimi i kodit civil në Kuvend nuk është mirë, dhe si ministre nuk diskutoj për të drejtat e njeriut. Puna e mirë do të vazhdohet dhe kodi civil do të projektohet sërish në Kuvend”, është shprehur ajo, shkruan teve1.info.
Në konferencën e mbajtur për njëvjetorin e punës së Qeverisë Kurti 2, Haxhiu ka theksuar se Lëvizja Vetëvendosje dëshmoi se mund të punohet pa e keqpërdorur buxhetin e shtetit dhe vlerësoi lartë punën e kësaj ministrie, duke thënë se procesi i vettingut mbetet prioritet kryesor i saj.
Sa i përket vettingut, ajo tha se mbetet koncept kryesor i ministrisë dhe se janë të vendosur që ky proces të jetë i përgatitur mirë. Ndërsa, reforma për realizimin e tij pritet të analizohet nga Komisioni i Venecias.
Ministria e Drejtësisë ka thënë që vettingu të bëhet me ndryshime kushtetuese, për çka kërkohen 2/3 në Kuvend, përfshirë edhe ato nga komunitetet.
