Ministrja e Drejtësisë, Albulena Haxhiu ka kërkuar nga faktori ndërkombëtarë të bëjë preson ndaj Serbisë për të ndal arrestimin e qytetarëve të Kosovës.
Haxhiu të enjten ka thënë se këto veprime nga Serbia janë vazhdimësi e veprimeve të mbrapshta e politike.
“Nga Serbia veprimet e tilla nuk na befasojnë. Por në këtë rast kërkojmë nga partnerët tanë që të bëjnë trysni e presion ndaj Serbisë që t’i ndalojë veprimet e tilla. Është e rëndësishme që partnerët tanë të ja thonë hapur dhe më zë të lartë Serbisë që t’i ndalojë këto veprime”, ka thënë Haxhiu.
Ajo ka thënë se Ministria e Punëve të Jashtme është në kontakt të vazhdueshëm me qytetarët e arrestuar dhe familjet e tyre.
Këtë muaj në Merdare është arrestu, Tefik Mustafa. Ai nga Serbia akuzohet për krime lufte, ndërkohë që familjarët e tij kanë thënë se ai gjatë luftës nuk ka qenë në Kosovë.
Më 17 prill, autoritetet serbe e arrestuan shtetasin kosovar Sadik Duraku, i cili ka nënshtetësi britanike gjithashtu, nën dyshimet “për krime lufte” më 1999 – akuza që u hodhën poshtë nga familjarët e tij.
