Haxhiu ka thënë se kjo gjuhë ndaj presidentës është manifestim i urrejtjes që shëndrrohet në gjuhë seksiste.
Sipas saj, gjuha e deputetës, Ganimete Musliu është skandaloze, teksa tha se nuk është hera e parë.
“Gjuha e sotme e deputetes së PDK-së, Ganimete Musliu ndaj Presidentes Osmani është manifestim i urrejtjes që shndërrohet në gjuhë seksiste nga dikush që në rrethana normale do të duhej ta luftonte atë. Kjo gjuhë është manifestim i mendimit, ndërkohë që pas saj ngelet vetëm veprimi”, ka shkruar Haxhiu.
Ajo ka kërkuar nga PDK-ja që të distancohet nga deklarata e Musliut.
“Gjuha e sotme e Ganimete Musliut, që nuk është e para herë, është skandaloze, e papranueshme dhe nga e cila do të duhej të distancoheshin të gjithë duke nisur nga partia e saj. Aq më e rëndë kur kjo bëhet nga dikush që mbahet për përfaqësues dhe ka përgjegjësi publike”, ka shkruar ministrja Haxhiu.
“Kjo nuk është thjesht gjuhë, kjo është dhunë dhe si e tillë duhet të cilësohet. Ky lloj mendimi nuk është mendim i lirë, por mendim dhunues”, shtoi ajo.
Ndryshe, deklarata e deputetës së PDK-së, Ganimete Musliu ka ngritur reagime në opinionin publik,/teve1.info
