Kuvendi i Kosovës ka miratuar marrëveshjen me Danimarkën për shfrytëzimin e Institucionit Korrektues në Gjilan me qëllim të ekzekutimit të dënimeve daneze, raporton teve1.info
E me këtë rast, ministrja e Drejtësisë, Albulena Haxhiu ka falënderuar deputetët që kanë votuar, pasi siç tha ajo kjo marrëveshje do të sjellë përfitime të ndërsjella dhe do të hapë dyer të reja për bashkëpunime në të ardhmen.
“Falënderoj deputetët e Kuvendit të Kosovës për miratimin e kësaj Marrëveshje të dobishme për Republikën e Kosovës. Kjo marrëveshje është një dëshmi e besimit dhe respektit reciprok mes dy vendeve tona. Ajo do të sjellë përfitime të ndërsjella dhe do të hapë dyer të reja për bashkëpunime të ardhshme”, ka shkruar Haxhiu.
