Ushtruesja e detyrës së Presidentes së Kosovës, Albulena Haxhiu, ka reaguar lidhur me marrëveshjen e arritur mes Lëvizjes Vetëvendosje (LVV) dhe Lidhjes Demokratike të Kosovës (LDK) për presidentin.
Haxhiu, përmes një postimi në “Facebook”, ka deklaruar se e mirëpret marrëveshjen e arritur sot mes dy partive.
“E mirëpres marrëveshjen e arritur sot ndërmjet Lëvizjes VETËVENDOSJE! dhe Lidhjes Demokratike të Kosovës për kandidatin për President të Republikës.Dakordimi i sotëm është një hap shumë i rëndësishëm drejt tejkalimit të ngërçit dhe funksionalizimit të plotë të institucioneve”, tha Haxhiu.
Tutje, ajo shprehu se është me rëndësi që ky proces të përmbyllet në Kuvend, siç tha ajo, me përgjegjësinë që kërkon momenti dhe interesi i Republikës.
