Ministria e Drejtësisë së Kosovës dhe ajo e Maqedonisë së Veriut do të mbajnë takim pune të përbashkët në shtator.
Ky dakordim është arritur gjatë takimit që ka zhvilluar ministrja e Kosovës, Albulena Haxhiu me homologun maqedonas Igor Filkov.
“Gjatë vizitës në Republikën e Maqedonisë së Veriut, zhvillova takim me Ministrin e ri të Drejtësisë, Igor Filkov, me të cilin u dakorduam për një takim pune të përbashkët mes dy ministrive në shtator për të vazhduar diskutimin dhe veprimet në çështjet e interesit të përbashkët dhe me qëllim të fuqizimit të bashkëpunimit. I ofrova mbështetjen time në adresimin e prioriteteve që lidhen me sundimin e ligjit”, ka shkruar Haxhiu në Facebook.
Kryeministri Kurti të hënën bashkë me disa ministra ka zhvilluar vizitë zyrtare në Maqedoninë e Veriut.
