Ministrja në detyrë e Drejtësisë, Albulena Haxhiu, ka reaguar pas vrasjes së trefishtë në qendër të Gjilanit.
Sipas saj, bazuar në informacionet e siguruara nga Shërbimi Korrektues i Kosovës, dy nga të dyshuarit kanë qëndruar në paraburgim nga 21 qershori 2024 deri më 8 tetor 2024 –, ku thotë se një periudhë e shkurtër, e ndërprerë nga Gjykata Themelore në Prishtinë.
“Kjo periudhë e shkurtër paraburgimi për veprat që ata dyshohen të kenë kryer, tregon një problem serioz në trajtimin e rasteve nga institucionet e drejtësisë. Një qëndrim kaq i shkurtër dhe ndërprerja e paraburgimit, mund të çojë në pasoja tragjike, siç pamë sot me vrasjen e trefishtë”, ka shkruar Haxhiu në Facebook.
Ajo ka theksuar se sistemi i drejtësisë duhet të tregojë përgjegjësi maksimale për të mbrojtur jetën dhe sigurinë e qytetarëve.
