Këto komente ai i bëri pas raportimit se Pranvera Raçi dha dorëheqje nga kjo pozitë.
Haxhiu në Facebook madje tha se Raçi është dashur të jepte dorëheqje pas skandaleve të njëpasnjëshme në sektorin e shëndetësise.
“Dr.Pranvera “viktima” e radhës e klaneve dhe grupeve të interesit në shëndetësi.Dr. Pranvera do të duhej të dorëhiqej pas skandaleve të njëpasnjëshme në sektorin e shëndetësisë, por ajo duket te jetë “viktima” e radhës së grupeve te interesit të instaluara në shëndetësinë tonë.Dr. Pranvera dha dorëheqje, por Bordi i SHSKUK-së qe keqmenaxhon me miliona euro vazhdon ta ketë mbështetjen e Qeverisë.Skandale, keqpërdorime, dorëheqje e largime nga sektori publik. Shëndetësia jonë çdo ditë po shkon drejt degradimit”, tha ai.
Teksa sipas tij, degradimi dhe shkatërrimi i sektorit të shëndetësisë nuk është i rastësishëm.
“Nuk ka përmirësim të shërbimeve shëndetësore, nuk ka mbështetje për profesionistët shëndetësorë.Lëre që mungojnë rezultatet, por as të emëruarit politik nuk po gjenë qetësi. Siç po shihet degradimi dhe shkatërrimi i këtij sektori dhe jo vetëm nuk është i rastësishëm”, tha tutje ai.
Ndryshe, Pranvera Zejnullahu-Raçi është emëruar në pozitën e ushtrueses së detyrës së drejtorit të përgjithshëm të Shërbimit Spitalor Klinik dhe Universitar të Kosovës në gusht të vitit të kaluar./teve1.info./
