Ushtruesja e detyrës si presidente dhe kryetarja e Kuvendit, Albulena Haxhiu, ka komentuar vendimin e Gjykatës Themelore në Prishtinë për të akuzuarit e sulmit terrorist në Banjskë.
“Me aktgjykimin e shpallur sot, Blagoje Spasojeviq dhe Vladimir Toliq u dënuan me burgim të përjetshëm, ndërsa Dushan Maksimoviq me 30 vjet burgim. Sot foli rendi kushtetues i Kosovës, të cilin rreshteri Afrim Bunjaku e mbrojti deri në fund,” ka shkruar Haxhiu.
Ajo theksoi se vendimi tregon se sulmet ndaj Policisë së Kosovës dhe sigurisë së vendit nuk do të mbeten pa ndëshkim:
“Ky vendim është dëshmi se sulmi ndaj Policisë së Kosovës, ndaj rendit kushtetues dhe ndaj sigurisë së vendit tonë nuk do të mbetet pa ndëshkim. Megjithatë, drejtësia për sulmin terrorist në Banjskë nuk përfundon këtu. Ajo përmbyllet vetëm kur të gjithë përgjegjësit, në krye me terroristin Millan Radoiqiq, të dalin para drejtësisë.”
Haxhiu përfundoi mesazhin duke nderuar heronjtë:
“Lavdi Afrim Bunjakut, heroit tonë!”
