Kandidati për deputet nga partia Guxo, njëherësh pjesë e listës së Lëvizjes Vetëvendosje, Haxhi Avdyli, në emisionin “Info Nata” në Tëvë1 ka komentuar deklaratat e vazhdueshme të opozitës se nuk do të ketë Qeveri Kurti 3. Ai tha se këto deklarime do t’iu kthehen mbrapsht më 28 dhjetor, kur sipas tij, LVV do ta formojë qeverinë e re.
“Me 28 dhjetor kjo fjalë do t’u mbetet në fyt opozitës, sepse me 28 dhjetor ne do ta kemi Qeverinë Kurti 3,” u shpreh Avdyli.
Sipas tij, opozita ka arritur ta shtyjë procesin për disa javë dhe ka tentuar të krijojë bllokada politike, por pa sukses të qëndrueshëm.
“Po arritën me e shty këtë javë, zgjatëm dorën, ia arritën me bllokadën. Si me thënë, na zunë anën me tre deputet që s’i patëm. Edhe këta duke u mundu me ia bo Albinin dëm, i bënë vendit dëm,” deklaroi Avdyli.
Ai theksoi se tentimet e opozitës për ta penguar formimin e Qeverisë Kurti 3 nuk kanë qenë në funksion të interesit të vendit, por të lojës politike.
