Gjykata Speciale në një komunikatë për media ka bërë të ditur se paneli i Gjyqtarëve ka aprovuar një vizitë të ish-presidentit Hashim Thaçi tek familja e tij në Kosovë.
“Për arsye detyruese humanitare, Trupi Gjykues ka udhëzuar Sekretarin që të menaxhojë një vizitë paraburgimi në Kosovë për Hashim Thaçin për takim me familjen. I akuzuari mbetet në paraburgim dhe në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës” , kanë shkruar në njoftim.
Kjo është hera e dytë që Thaçi vjen te familja e tij për shkak të gjendjes shëndetësore të prindërve të tij.
Edhe në maj të këtij viti Thaçit i ishte mundësuar vizita në Kosovë për shkak të gjendjes së rënduar të nënës së tij.
Hashim Thaçi: custodial visit to Kosovo #ThaciEtAlCase #KosovoSpecialistChambers https://t.co/mtR4P4zsiq
— Kosovo Specialist Chambers (@SpecialChambers) September 2, 2023
