Florent Hasani nuk ka humbur kohë pas largimit nga Rapidi Bukureshti, ekip me të cilin shkëputi kontratën.
Një ditë pas largimit nga Rapidi, raportohet se Hasani do ta vazhdoj karrierën në Turqi, te skuadra e Alanyasporit.
Hasani me ekipin turk do të firmos kontratë deri në verën e vitit 2026, me një pagë mujore prej 30 mijë eurosh.
27-vjeçari te Alanyaspori transferohet si lojtar i lirë, ndërsa do të jetë bashkëlojtar me Florent Hadërgjonajn e Fidan Alitin.
Hasani këtë sezon ka shënuar 1 gol dhe ka bërë 1 asistim për Rapid Bukureshtin në 16 ndeshje të luajtura, ndërsa karrierë ka bërë edhe në Shqipëri, Hungari, Izrael e Kosovë.
