I ftuar në “Ditari” në Tëvë 1, Hasani theksoi se vrasja nga një grup kriminal i Martyt është tregues që Serbia është e implikuar drejtpërdrejt në të gjitha pjesët për zhdukjen e tij.
“Tani Dick Marty e ka thënë pikërisht vetë me gojën e vet, përmes televizionit zviceran, një shteti demokratik, që Serbia dhe shteti serb përmes agjencionit të intelegjencës BIA apo UDB përpara siç e njohim ne, ajo ka tentuar që ta vret përmes organizimit të grupeve kriminale të implikuara që i ka pasur dhe i ka Serbia në vazhdimësi për vite e vite që e ka marrë dhe ka bë atentat të ndryshme ndaj shqiptarëve në disasporë apo dhe të tjerëve..Tregues që shteti serb është i implikuar drejtpërdrejt në të gjitha agnazhimet për zhdukjen e Dick Martyt dhe t’i lihet faji pikërisht shqiptarëve në Zvicër, duke pretenduar se arrestimi i Hashim Thaçit në vitin 2020 të lidhet drejtpërdrejt me reaksionet ose reagimet që dëmtohet ose të vritet Dick Marty dhe t’i ngarkohet shqiptarëve si mundësi e vrasjes kinse Hashim Thaçi është në burgun e Hagës”, tha Hasani.
Ish-deputeti i Kosovës tha se kjo është njëra ndër skandalet më të rënda që ka mundur t’i ndodh shqiptarëve dhe Kosovës në këtë rast.
Sipas tij, pretendimet që të vritet Marty dhe faji t’i lihet shqiptarëve është kërkesë e Serbisë për ta zhbërë Kosovën përmes Rusisë.
“Në këtë rast, pretendimet që të vritet Dick Marty dhe të akuzohen shqiptarët është pikërisht kërkesa e Serbisë për ta zhbërë shtetin e Kosovës përmes Rrusisë dhe përmes miqëve të saj që i ka”, shtoi Hasani.
Tutje, Hasani tregoi edhe hapat që duhet të marrë Kosova lidhur me këtë çështje.
“Shteti i Kosovës me deklarata, nuk zgjidhen këto probleme. Shteti i Kosovës duhet të angazhojë avokatë, të bëjë padi penale ndaj Serbisë dhe për vrasjen e Dick Martyt duhet t’i drejtohet Bashkimit Evropian, SHBA-së dhe diplomacisë botërore. Pikërisht për këto pretendime dhe këtë atentat, që njëherit është kundër Kosovës. Sepse në Gjykatën e Hagës nuk dënohet Hashim Thaçi si individ, as Jakup Krasniqi, as Kadri Veseli as Rexhep Selimi. Gjykatën e Hagës dënohet UÇK dhe atje është shteti i Kosovës”, shtoi Hasani. /Teve1.info/
