Deputeti i zgjedhur nga PDK-ja, Nait Hasani ka kërkuar që PDK-ja të ketë një koalicion me opozitën.
Hasani në një intervistë në emisionin “Ditari” në tëvë1 ka thënë se koalicionin me LVV-në e sheh të papranueshëm.
Sipas Hasanit, Kosova nuk ka nevojë për një qeverisje që është kundër Amerikës, ku tha se vendit i duhet një qeverisje e ardhshme për të rregulluar marrëdhëniet me ShBA-të.
“Ne kërkojmë që të kemi një koalicion me opozitën. Për mua është e papranueshme një koalicion me LVV-në dhe vota ime nuk shkon për koalicionin me LVV për kryeministër Albin Kurti. Ne jemi të hapur për opozitën. Ata që duhet të bëjnë dhe të ndryshojnë ata që duhet të kenë marrëdhënie me ShBA-në, në rrethanat politike që bota po kalon ne kemi nevojë një mbështetje, forcë politike. Nuk kemi nevojë për një qeverisje që është kundër Amerikës, nuk kemi nevojë për një qeverisje e cila është kundër Amerikës dhe në pozicionet e tilla nuk shkon në favorin e Kosovës si mbrojtje sigurie dhe si zhvillim, prandaj ftohja e marrëdhënieve me ShBA-të është e qeverisë së tashme dhe nuk ka mundësi kjo qeveri e tashme të rregullojë këto marrëdhënie, por duhet një qeveri e ardhshme. Po shpresoj se opozita duhet ta bëjë Qeverinë”, ka deklaruar Hasani./teve1.info/
