Ish- kryetari i Gjykatës Kushtetuese të Kosovës, Enver Hasani ka thënë se pjesëmarrja e Kosovës në Bordin e Paqes ka qenë e pritshme.
Siç ka thënë Hasani, ky nuk është ndonjë lajm, por prezenca periferike sipas tij e Kosovës në Davos.
“Po të mos kishte qenë, ka qenë lajm. Mendoj që lajm duhet të jetë prezenca periferike e Kosovës në Davos. Merri shikoj vendet tjera me këndë janë sot Davosi. Unë e mbaj në mend Davosin kur ka shkuar i ndjeri Rugova dhe e krahasoj agjendën, atëherë kemi qenë në fokus. Prezenca e Kosovës aty ka qenë e pritshme, në moment që t’i e sheh Shqipërinë aty”, ka thënë Hasani në emisionin “Këndi i Debatit” në Tëvë1.
Hasani ka folur edhe debatit se pse nënshkrimin për anëtarësim në Bordin e Paqes e bëri presidentja Osmani dhe jo kryeministri në detyrë i Kosovës, Kurti dhe nëse kjo flet për atë se Osmani është më pranueshme për amerikanët.
Por, sipas Hasanit kjo nuk ka të bëjë me këtë çështje, por me agjendën.
“Nuk ka lidhje, asnjë lidhje. Do të ishte ashtu sikur të kishte takim të veçantë Trump me Osmanin dhe do të bisedonte me Osmanin. Amerikanët e vlerësojnë Kosovën, si aleat dhe produkt që është formsu si produkt i tyre”, ka thënë ai.
Kryeministri në detyrë i Kosovës, Albin Kurti gjatë pjesëmarrjes në Forumit Ekonomik Botëror në Davos, Zvicër ka zhvilluar disa takime dhe ishte pjesë edhe e disa paneleve të diskutimit.
