Harry Kane do të fillojë bisedimet me Bayernin për kontratë të re, shkruan BBC të premten.
Kapiteni i Anglisë, Kane, ka kontratë deri në verën e vitit të ardhshëm, por Bayerni është i përkushtuar ta mbajë atë.
32-vjeçari është i njoftuar për interesimin e klubit për ta mbajtur më gjatë, ndërsa bisedimet do të intensifikohen në javët e ardhshme.
Kane ishte transferuar te Bayerni në vitin 2023 nga Tottenhami për 86 milionë funte. Ka shkëlqyer prej atëherë. I ka plot 146 gola në 134 paraqitje për gjigantin bavarez.
