Ambasadori i Mbretërisë së Bashkuar në Kosovë, Jonathan Hargreaves, ka uruar Justina Shiroka-Pulën për zgjedhjen e saj presidente e Republikës së Kosovës.
Përmes një deklarate publike, Hargreaves ka përcjellë urimet e tij në emër të Ambasadës britanike, duke i uruar presidentes së re sukses në detyrën e saj.
“Urimet e mia të përzemërta për Justina Shiroka-Pulën për zgjedhjen e saj si presidente e Republikës së Kosovës. I uroj çdo sukses në këtë rol të rëndësishëm”, ka shkruar Hargreaves.
Ai ka theksuar se pret të bashkëpunojë me presidenten e re dhe institucionet e Kosovës për thellimin e marrëdhënieve ndërmjet dy vendeve.
“Pres me padurim të punoj me presidenten dhe të gjitha institucionet e Kosovës për të thelluar partneritetin tonë të gjatë, ndërsa Kosova shikon përpara drejt së ardhmes së saj shumetnike, demokratike dhe euroatlantike”, ka deklaruar ambasadori britanik.
Justina Shiroka-Pula është zgjedhur presidente e gjashtë e Republikës së Kosovës, me 81 vota pro në Kuvendin e Kosovës.
