Të premten përfaqësuesit diplomatikë të vendeve miqësore të Kosovës kanë vunë re dështimin e 52-të radhazi për të konstituuar Kuvendin.
Ambasadori i Mbretërisë së Bashkuar në Kosovë, Jonathan Hargreaves u ka bërë thirrje partive politike që të gjejnë një zgjidhje për t’i dhënë fund bllokimit përpara se afati i Gjykatës Kushtetuese të përfundojë nesër.
Hargreaves ka thënë se Kosova po hyn në një territor të panjohur për qytetarët e saj, duke vazhduar të humbasin përfaqësimin politik dhe aftësinë për të marrë vendime të rëndësishme vendase dhe ndërkombëtare.
“Sot, përfaqësuesit diplomatikë të miqve të Kosovës vunë re dështimin e 52-të radhazi për të konstituuar Kuvendin. I bëj thirrje politikanëve të Kosovës të bashkohen dhe të gjejnë një zgjidhje për t’i dhënë fund bllokimit përpara se afati i Gjykatës Kushtetuese të përfundojë nesër. Përndryshe, Kosova po hyn në një territor të panjohur dhe qytetarët e saj vazhdojnë të humbasin përfaqësimin politik kuptimplotë dhe aftësinë për të marrë vendime të rëndësishme vendase dhe ndërkombëtare që ndikojnë në jetën e qytetarëve”, ka thënë ai pas dështimit të 52-të të konstituimit të Kuvendit./teve1.info/
