Ambasadori i Britanisë së Madhe në Kosovë, Jonathan Hargreaves ka thënë se në takim me ushtruesen e detyrës së presidentes, Albulena Haxhiu kanë diskutuar për rëndësinë që pas zgjedhjeve të 7 qershorit të arrihet një marrëveshje për presidentin.
Ai në Facebook ka thënë se partitë politike duhet të arrijnë kompromis për të shmangur zgjedhje e reja dhe humbjet e mundësive për Kosovën.
“Takova këtë mëngjes Presidenten në detyrë dhe Kryetaren në detyrë të Kuvendit, Albulena Haxhiu. Diskutuam rëndësinë që Kuvendi i ri të jetë në gjendje të zgjedhë një president pas zgjedhjeve, për të shmangur zgjedhje të tjera dhe humbjen e mundësive për Kosovën. Theksova nevojën që partitë politike të bëjnë kompromis për të shmangur një skenar të tillë. Gjithashtu diskutuam abuzimin e papranueshëm që u drejtohet politikaneve gra në rrjetet sociale dhe shpresuam që të gjithë liderët e partive ta bëjnë të qartë se kjo është e papranueshme”, ka shkruar ai në Facebook.
Presidenca e Kosovës ka njoftuar se në takimin e zhvilluar është disktuar për procesin zgjedhor të 7 qershorit.
