Philadelphia barazon 2-2 serinë e ndeshjeve gjysmëfinale ndaj Boston, pas fitores 116-115 në sfidën e katërt. Një ndeshje e
vendosur pas kohës shtesë, ku vendasit arritën të bëjnë një paraqitje të mirë.
Sërish është James Harden protagonist i fitores, duke realizuar 42 pikë përfshi edhe koshin e fitores në fundin e takimit,
mbështetur edhe nga Joel Embiid me 34 pikë e 13 rebound. Për Boston, të gjithë titullarët realizuan mbi 10 pikë, por që
s’mjaftuan për të fituar ndeshjen.
Në Konferencën e Perëndimit, ekipi i Phoenix i shfrytëzoi në maksimum dy ndeshjet e luajtura në fushën e tij, duke i fituar të
dyja. Sot, Suns mundën 129-124 Denver, duke barazuar 2-2 serinë e gjysmëfinaleve.
Nikola Jokic realizoi 53 pikë e 11 asist për Denver, por që mbetën për statistikë. Në kahun tjetër, Kevin Durant e Devin Booker
realizuan nga 36 pikë secili, duke i dhuruar fitoren skuadrës së Phoenix.
Konf.Lindje, Play off-Gjysmëfinale
Boston – Philadelphia, 115-116 (2-2)
New York – Miami, (1-2)
Konf.Perëndim, Play off-Gjysmëfinale
Denver – Phoenix, 124-129 (2-2)
Golden State – Lakers, (1-2)
