Kryetari i Aleancës për Ardhmërinë e Kosovës ka uruar komunitetin egjiptian me rastin e 24 qershorit – Ditës Nacionale të tyre.
Haradinaj ka thënë se egjiptianët janë pjesë e pandashme e shoqërisë, me një histori të gjatë bashkëjetese dhe me kontribute të çmuara në jetën politike, kulturore dhe institucionale të Kosovës.
“Në këtë ditë të veçantë, shpreh mirënjohjen për angazhimin e përhershëm të komunitetit egjiptian për një Kosovë më të drejtë, më të barabartë dhe më gjithëpërfshirëse”, ka shkruar ai në Facebook.
