Kryetari i Aleancës për Ardhmërinë e Kosovës, Ramush Haradinaj ka thënë se ish-presidenti i Kosovës, Ibrahim Rugova i kushtoi rëndësi forcimit të lidhjeve me aleatët e në veçanti me Amerikën.
Ai ka thënë se këto veprime i paraprinë pavarësisë së vendit.
Në 20- vjetorin e vdekjes së Rugovës, Haradinaj ka kujtuar bashkëpunimin që kishte me ish- presidentin.
“Sot, në përvjetorin e 20-të të ndarjes së tij nga jeta, e kujtojmë me respekt të thellë dhe mirënjohje të përhershme. Me vizionin e tij shtetformues, ai i kushtoi rëndësi të veçantë forcimit të lidhjeve me Perëndimin, duke kultivuar miqësinë e përjetshme me Amerikën, veprime këto që i paraprinë pavarësisë dhe që vazhdojnë të mbeten themel i vizionit tonë si shtet”, ka shkruar Haradinaj.
