Haradinaj në një status pas zhvillimeve në veri ka thënë se mbështesin institucionet për vendosjen e rendit dhe zbatimin e vendimit.
“Vendimi për vendosjen e reciprocitetit me Serbinë është i drejtë dhe i ligjshëm edhe në bazë të ligjeve vendore, por edhe atyre ndërkombëtare. Mbështesim institucionet e vendit, organet e rendit dhe sigurisë, për zbatimin e këtij vendimi të drejtë e të ligjshëm. Bëjmë thirrje që qytetarët serb në veri të vendit, të përmbahen dhe të ruajnë qetësinë, rendin e ligjin”, ka shkruar Haradinaj.
Rreth orës 16:00 serbët në veri të Kosovës kanë lëshuar alarmin dhe janë mbledhur për të kundërshtuar këtë vendim të Qeverisë së Kosovës.
Ata kanë vendosur barrikada në rrugën magjistrale në afërsi të pikëkalimit kufitar të Jarinjës, që gjendet në Komunën e Leposaviqit.
Ndërsa, Policia e Kosovës ka njoftuar se ka njoftuar se janë mbyllur pikat kufitare në Jarinje dhe Bernjak, për shkak të bllokimit të rrugëve./teve1.info/
